Սովորողների հետ հաճախ ենք հանելուկներ գուշակում, որը նպաստում է մտքի ճկունությունը, տրամաբանության և երևակայության զարգացմանը զարգացմանը։ Այս անգամ հանելուկների թեման թթվի բանջարեղեններն էին։
Բազմանում է առվի ափին՝
Հարյուր շապիկ իր հագին,
Ջուր է սիրում ձիու պես,
Ի՞նչն է, ասա, թե գիտես:
/Կաղամբ/
Կլոր գնդակ է ասես.
Փաթաթվել է հարսի պես,
Դարս-դարս ճերմակ շորերով
Ասես բացել է հանդես:
/Կաղամբ/
Այն ի՞նչն է, ի՞նչը, մտածիր փոքր-ինչ,
Առանց մտածել չի արվում ոչինչ,
Գլուխն է հողում, թևերն՝ օդում,
Շաքար է դառնում, սեղանին բազմում:
/Ճակնդեղ/
Բանջարեղեն է՝ մանրիկ սերմերով,
Վզիկը՝ բարակ և ուռած փորով,
Նա չի վնասում ցանող-պահողին,
Կրակ է դառնում՝ այրում ուտողին:
/Տաքդեղ/
Հանելուկները գուշակելուց հետո, հորինեցինք «հանելուկներ-հորինուկներ» աուդիոձայնագրությունը։ Փորձե՛ք գուշակել.
Անի Գրիգորյանի բլոգ 